Wednesday, December 06, 2006
Tuesday, November 28, 2006
Saturday, November 25, 2006
Thursday, November 23, 2006
Ghazal
khubsurat zindgi ki chaah me nikla tha Gaon se shehar ke liye
Mujhe nahi pata tha yahan aakar tadpunga marne ke liye
Itne uunche maka.(n) ki aasama. (n) ke k.areeb
Tarasta hun zamee ke liye
Hame. maloom ki wo yahi hain
Par waqt nahi unse milne ke liye
Tadad itni har cheej ki yahan pe
Ki pakshiyon ko jagah nahi chehakne ke liye
Kale dhuain me sama gaya suraj
Ki chand ko intezar nahi raat ke liye
Prakriti ke naam par kuchh rangeen paudhe aate nazar
Shukr hai kahi kuchh to hai kehne ke liye
Umeed hai ki chand roz me log chidkenge itra (scent)
Gaaon ki mitti ki khushboo ke liye
Khubsurat zindgi ki chaah me nikla tha
gaon se shehar ke liye
Tuesday, November 21, 2006
kuchh yun hi-
aaj ki raat ajeeb hai
arsse baad tumhari yaad aa gayi
-bilkul nahi badli ho tum
'neend ki dushman'
------------------------------------
chaha tha jise uski shadi ho gayi
chalo aab khatm hua janjaal
bas aazadi ho gayi
pyaar ka aashiyan jaala
sawan me barbadi ho gayi
hindustan-ki-pakistan
zindgee-'kashmir ki wadi ho gayi'
------------------------------------
"badal chahe kitne bhi parat bichha de
aasmaan jab rota hai to
-dhartee ki gaal bhigti hi hai!"
Naam?
Wo kanghi se khidkee ke grill ka
khat-khatana
Wo sandle se darwaje pe
tap-tapana
Wo gusse se bhari aankho se dekhkar
munh banana
Aur wo jaan-bujhkar andekha
kar jaana
Sab mere hi naam to hain
Aise hi to 'tum' bulayaa karti thi....
Monday, November 20, 2006
Almighty's child!
anaath hun main
kiske saath hun main
aapno ke liye parayaa hun main
gairon ke sahare hun main
zindgi ke zehar ko pi kar amar hun main
kisi ke zism ki kali hun main
bhagwan ke dwarey hun main
katu anubhawon se jail hun main
fir bhi mishri ki dhalli hun main
anaath hun main
kiske saath hun main....
Self talking....
Shabdon ki ladiyaan pirota hun
Dil ko behlane ke liye
Na ki shayar kehlane ke liye
Ghamon ko chhupata hun
Muskuranne ke liye
Na ki shayar kehlane ke liye
Waqt ke thapedon ko sehta hun
Zindgee me kuchh pane ke liye
Na ki shayar kehlane ke liye
'Unse' milta hun
Bas farz jatane ke liye
Na ki shayar kehlane ke liye
Sapno ko sajata hun
Sachchaee se munh chupane ke liye
Na ki shayar kehlane ke liye
Sanson ki seedhiyan chadhta hun
Jeene ki aadat nibhane ke liye
Na ki shayar kehlane ke liye
The Other Woman
Tum madmast allhadR jawani ho
Par meri Rani nahi ho
Tum chanchal chanadni ho
Par Suraj ki roshnee nahi ho
Tum indradhanushi badal ho
Par aasmaan ki sadgee nahi ho
Tum sharab si nasheeli ho
Par pyase ki pani nahi ho
Tum khushnuma rangeen raton ki kahani ho
Par jeewan ki sangnee nahi ho
Tum manzi ki nishanee ho
Par hayatt-E-haqeeqat ki pareshani nahi ho
Tum madmast allhadR jawani ho
Par meri Rani nahi ho
(manzi=Past, hayatt-E-haqeeqat=life of the reality)
Sunday, November 12, 2006
"Good Morning!"
Saturday, November 11, 2006
Rikshaw Puller
Wah!
Pawn zamin pe nahin
Wibhinn logon ka bojh dohte ho
Suraj tum me samane ko bekarar
Ganga tum odhe ho
Bade ajib ho
“Nahi! Main Garib hun, Riksha wala”
Saturday, November 04, 2006
Marital Bliss!!!!
Biwi ho Tum Mehbooba nahi
Isliye Tumhari Nazron me Dooba nahi
Muhabbat ka falsafa bahut hua
roz-roz Ye shayaree hoti nahi
Reshmi julfon me khona yaad hai
bas Dal me paana achha nahi
Wo Intejar aur Wo Mulaqaat kitne haseen the
par har waqat ka saath achha nahi
Bite dinon ki baat, Udasi ki Raat shayad achhi thi
Meri Khushi ho 'Tum',Aasan sab kuchh achha nahi
Bibi ho Tum Mehbooba nahi
Isliye Tumhari Nazron me Dooba nahi
Thursday, October 19, 2006
another Diwali_°^°_
Its another Diwali (Indian festival of lights) - not sure if there is any relation with Christmas....
How about this for relation- diwAli Ramjaan !!!!
here are some thoughts expressed in Hindi using Roman script:-
Diwali hai to dil Jalega-
ya fir yUn hi
dhuan nikal jayega
aur kisiko pata bhi nahi cahlega
bas Un hi
ab na umar hai
na wo dost
na jagah wahi- na nazara waisa
to kya kare
mana dil wahi hai, khayal wahi, aur 'wo' bhi wahi.....
par kya kare
jab mausam ke mizaz me kuch tabddili aa jaye
puchhte ho dil nahi lagta kya?
dil se puchhte hi nahi hain-
mauka nahi milta
zindgi me kuchh hi baar aisa hua hai
ki
dil se puchha hai- par jawab hamesha 'na' me hi mila hai
shayad is liye puchhte hi nahi
dil ka kya value hai
jo dikhta bhi nahi-pata nahi- hai bhi ki nahi
bas kabhi uddas hone ko ji karta hai
aur hum dil ko bahane ki tarah maan ke kaam chala lete hain
Is baar bhi Diwali aayegi aur chali jayegi
Kabhi kuchh laayi hai?
agar 'Haan' to kya is baar wapas le ke jayegi?
Subscribe to:
Posts (Atom)